KHUTBAH IDUL FITRI 1437 H ( Bahasa Jawa )

KHUTBAH IDUL FITRI 1437 H ( Bahasa Jawa )
NGLESTANTUNAKEN NILAI-NILAI RAMADHAN

اللَّهُ أَكْبَرُ اللَّهُ أَكْبَرُ اللَّهُ أَكْبَرُ اللَّهُ أَكْبَرُ اللَّهُ أَكْبَرُ اللَّهُ أَكْبَرُ اللَّهُ أَكْبَرُ اللَّهُ أَكْبَرُ اللَّهُ أَكْبَرُ
اللَّهُ أَكْبَرُ كبيرا والحمد لله كثيرا و سبحان الله بكرة وأصيلا, لاإله إلاّ الله اللَّهُ أَكْبَرُ, اللَّهُ أَكْبَرُ وَلِلَّهِ الْحَمْدُ”.
اَلْحَمْـدُ لِلَّهِ رَبِّ اْلمَشَـارِقِ وَاْلمَغَـارِب… خَـلَقَ اْلإِنْسَـانَ مِـنْ طِـيْنٍ لاَزِبٍ … ثُمَّ جَعَلَهُ نُطْفَةً بَيْنَ الصُّلْبِ وَالتَّرَائِبِ…خَلَقَ مِنْهُ زَوْجَهُ وَجَعَلَ مِنْهُمَا اْلأَبْنَاءَ وَاْلأَقَارِبْ.. تَـلَطَّـفَ بِـهِ فَنَـوَّعَ لَـهُ اْلمَطَـاعِـمِ وَ اْلمَشَـارِبْ… نَحْمَـدُهُ تَبَـارَكَ وَتَعَـالَى حَمْـدَ الطَّـامِعِ فىِ اْلمَزِيـْدِ وَالطَّـالِبْ… وَنَعُـوْذُ بِنُـوْرِ وَجْـهِـهِ اْلكَـرِيْـمِ مِـنْ شَـرِّ اْلعَـوَاقِـبْ
وَأَشْـهَـدُ أَنْ لاَ إِلَـهَ إِلاَّ اللهُ اْلقَـوِىُّ اْلغَـالِـبْ … شَـهَـادَةَ مُتَيَقِّـنٍ بِـأَنَّ اْلـوَحْـدَانِيَّـةُ اللهِ أَمْـرٌ لاَزِمٍ لاَزِبْ
وَأَشْهَدُ أَنَّ سَيِّدَنَـا مُحَمَّدًا عَبْـدُ اللهِ وَرَسُـوْلِ اْلمَلِكِ اْلـوَاهِبْ … مَا مِـنْ عَـاقِـلٍ إِلاَّ وَعَـلَّمَ أَنَّ اْلإِيْـمَـانَ بِهِ حَقُّ وَوَاجِبْ,
اللَّهُمَّ صَلِّ وَ سَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَ أَصْحَابِهِ اْلاَوَّابْ, أَمَّا بَعْدُ,
مَعَاشِرَ اْلمُؤْمِنِيْنَ, أُوْصِيْكُمْ وَنَفْسِي بِتَقْوَى اللهِ, فَقَدْ فَازَ اْلمُتَّقُوْنَ


Jamaah Idul Fitri, rahimakumulloh..
Swanten takbir, tasbih saha tahmid sampun kepireng milai kalawingi sonten, yektos mertelaaken raos syukur kita dumateng ngarsanipun Alloh SWT, atas sedaya peparingipun, lan ugi mujudaken pratanda bilih ramadhan sampun paripurna, kados ingkang sampun kasebat wonten ing al-Qur’an surah al-Baqarah 185
وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ
“ Lan supaya sira kabeh padha ngagungake Alloh, ing atase apa kang wus den paringne marang sira kabeh, supoyo sira kabeh padha bersyukur “

Allohu Akbar, Allohu Akbar, Allohu Akbar walillahil hamd
Wonten dinten ingkang kebah berkah punika, kawula ngajak pribadi kawula saha jamaah sekalian, monggo kita tansah ngupadi supados iman lan takwa kita tansah ngrembaka, injih kanthi nindaaken perintahipun gusti Alloh, saha anebihi sedaya awisanipun, ing tembe sageto kita begjo dunyo dumugi akherat, aamiin

Maasyirol muslimin, wa zumrotal ‘aaidiin wal faa iziin

Wulan Ramadhan ingkang nembe kita raosaken, yektos mujudaken sih kawelasanipun Alloh SWT dumateng kita umat manungso, lir ipun, ing wulan ramadhan punika Gusti Alloh sampun paring pitedah arupi latihan ruhani supados kula lan panjenengan sami saget fokus lan ngremeni perkawis amaliyah ruhaniyah, supados slamet ngayahi jejibahan gesang ing dunyo, lan anggadahi sangu kangge gesang wonten ing akherat benjing.
Sebab, wonten ing selamine setahun, katah manungsa ingkah lirwa lan kesupen tumprap kebetahan ruhaniyahipun sarta sangu kangge gesang wonten ing akherat, lan malah, kathah ingkang mligi ngupadi kebetahan lahir soho materi duniawi.
Saben dinten, namung perkawis dunyo ingkang dipun galih lan dipun reksa, sahingga raos manah mboten kanten-kantenan. Asring, ruh lan manahipun kataman susah, gelisah lan ngraosaken punapa ingkang dipun wastani galau.
Pramila Gusti Alloh paring kesempatan lan piwucal ing dalem wulan ramadhan, supados kaum mukminin sageta langkung peduli anggenipun pados sangu akherat, sebab :
وَاْلآخِرَةُ خَيْرٌ وَّ أَبْقَى
“ Lan urip ing akherat iku luwih becik lan luwih langgeng “ ( Q.S.al-a’la : 17 )

Sebab siyam ingkang sampun kita lampahi ing wulan ramadhan kepengker, mboten namung perkawis nilar tedha lan ngunjuk kemawon, ananging kathah amaliyah ingkang saget mbekta ruhani kita anggayuh gesang ingkang berkah lan legawa. Lan ingkang makaten punika, kanthi nilar kebetahan jasmani ingkang arupi tetedan lan unjukan, ruhani kita kraos jembar lan lapang, lan gesang miraos entheng saking reribet tuntutan jasmani.

Saget kita bayangaken, menawi gesang kita tansah reribetan dening perkawis jasamani. Milai wungu enjing sampun ngupadi perkawis dunyo, lajeng radi siang kita nyambut damel injih keranten pados kebetahan jasamani dunyo, semanten ugi sonten lan dalu, tansah jibeg kalian perkawis materi duniawi.

Pramilo Gusti Alloh paring kesempatan ing wanci wulan ramadhan kalawingi, supados kita latihan nilar babagan jasmani punika kanthi siyam, mboten dahar lan ngunjuk saha kempal istri milai fajar ngantos maghrib, saperlu supados rikalane jasmani kosong, ruhani kita saget gangsar anggenipun mersudi kebetahanipun, injih punika tetedan ruhani, siraman ruhani saha kebetahan ruhani lintunipun, sahingga ngantos tanggal 1 syawal punika kawastanan idul fitri utawi wangsul dumateng ruhani ingkang resik lan suci, kados dene bayi ingkang nembe lahir, ingkang boten gadhah raos ribete ruhani, sahingga ketawis sumeh lan remen, ugi damel tiyang sanes remen ngliling lan gujengan kalian piyambake.

Allohu Akbar, Allohu Akbar, Allohu Akbar walillahil hamd,
Jamaah Idul Fitri, rahimakumulloh..

Mendah sekecane anggadahi ruhani ingkang lapang, saget ngraosaken gesang engkang endah punika, mila mboten maiben, dene para sahabat Nabi SAW, sami muwun rikalane ramadhan badhe lingsir, sebab sak bakdane ramadhan kathah rutinitas gesang ingkang bade damel rupek dan ribet malih. Sebab raos ruhaniyah punika punjeripun wonten ing manah kita sedaya, kados ingkang sampun kasebat wonten ing hadits Nabi SAW :
أَلاَ إِنَ فِي الْجَسَدِ مُضْغَةٌ إِذَا صَلُحَتْ صَلُحَ الْجَسَدُ كُلُّهُ، وَإِذَا فَسَدَتْ فَسَدَ الْجَسَدُ كُلُّهُ أَلَا وَهِيَ الْقَلْبُ
“ ngertenono menawa ing awak iku ana sak kepel getih, yen to sak kepel getih iku apik lan waras mongko bakal apik lan waras awak sak kujur, lan menawa sak kepel getih iku rusak lan lara, mangka bakal rusak lan lara awak sak kujur, ngertenono sak kepel getih iku jenenge ati “ ( HR. Bukhari )
Pramila kangge njagi kasaenan lan kasarasan manah punika, kita kedah tansah istiqomah anggen kita nguri-uri ibadah dumateng Alloh, kados dene ingkang sampun kawucal sak lebete wulan ramadhan kepengker.
Maasyirol muslimin, wa zumrotal ‘aaidiin wal faa iziin

Pinten-pinten perkawis ingkang saget kita lestantunaken sak bakdane ramadhan, ing tembe, supados ruhani lan manah kita tansah gesang lan ngrembaka, ing antawisipun inggih punika :

1. Tansah emut lan ngupadi sangu kangge gesang ing akherat
Kanthi istiqomah nglampahi ibadah wajib saha sunnah, kados dene ingkang sampun kita lampahi ing wulan ramadhan, milai saking sholat kanthi berjamaah wonten ing masjid utawi langgar, ugi mahos al-qur’an lan menawi saget ngantos khotam, lan remen shodaqoh saha caos peparing dateng liyan, sahingga manah kita tansah emut lan gumanteng dateng Alloh SWT, lan ugi supados celengan sangu ing akherat langung sahe lan kathah. Sebab kanthi dzikir lan emut dumateng Alloh, manah kita saget meneb lan tenang, kados kasebat ing al-Qur’an Surah ar-Ra’d : 20
الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ

Artosipun : “ wong-wong kang padha iman lan ayem atine klawan eling lan dzikir marang Alloh, ngertenono, kanthi eling lan dzikir marang Alloh, ati bakal ayem “


Allohu Akbar, Allohu Akbar, Allohu Akbar walillahil hamd,
Jamaah Idul Fitri, rahimakumulloh..

2. Anjagi syi’ar ibadah
Ibadah manembah dumateng Alloh, mujudaken pos utawi terminal gesang kita sedaya, ing pundi kita saget kendel sekedap kangge nambah sangu perbekalan tumuju pagesangan langgeng abadi ing akherat, lan ugi kangge muhasabah ing atase perkawis ingkang sampun kalampahan, Saking sholat dumateng sholat, saking jumuah dumateng jumuah sak lajenge, soho saking ibadah setunggal dumateng ibadah lintune ,sahingga kita tansah waspada lan mawas diri, supados gesang kita slamet ing dunyo lan begja ing akherat. Kanjeng Nabi SAW sampun ngendika :
أَلَا أَدُلُّكُمْ عَلَى مَا يَمْحُو اللهُ بِهِ الْخَطَايَا، وَيَرْفَعُ بِهِ الدَّرَجَاتِ؟ قَالُوْا: بَلَى يَا رَسُوْلَ اللهِ، قَالَ: إِسْبَاغُ الْوُضُوْءِ عَلَى الْمَكَارِهِ، وَكَثْرَةُ الْخُطَا إِلَى الْمَسَاجِدِ، وَانْتِظَارُ الصَّلاَةِ بَعْدَ الصَّلَاةِ؛ فَذَلِكُمُ الرِّبَاطُ
Artosipun : “ apa sira kabeh gelem tak paringi weruh perkara apa kang Alloh gunakne kanggo mbusek dosa, lan bisa ngunggahne derajat ? para sahabat sumaur : “ injih yaa Rasulalloh “, lajeng Nabi dawuh : nyampurnakne wudlu ing panggonan kang ora disenengi, lan akeng mlaku tumuju masjid, uga ngenteni shalat tujumu shalat liane, sing mangkono iku jenenge ribath ( gegondelan )” ( HR. Muslim saking Abu Huroiroh )

3.Anjagi kebersamaan ing dalem kluarga lan masyarakat
Rikalane kita nglampahi siyam ramadhan, sedaya nderek sareng-sareng anggenipun ngupadi ibadah, sanak kadang, kluarga lan masyarakat sami-sami sareng-sareng nindaaken ngibadah siyam saha ibadah sunnah lintune, kados sholat tarawih, tadarus al-qur’an lan shodaqohan. Menika mujudaken raos pasederekan ingkang tumus saking raos kebersamaan, ing tembe tansah nggadahi pangajab, mugi sageto mujudaken kluarga lan lingkungan ingkang mawaddah, sakinah warohmah, ayem tentrem ing ndalem mglampahi pagesangan ing dunyo, kangge anggayuh kabegjan lan kebahagiaan lair tuwin batin, lan nggayuh kaslametan dunyo dumugi akherat, kados ingkang sampun didawuhaken gusti Alloh wonten surah a-Tahrim :6

يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ
“ He wong-wong kang padha iman, jaganen awakmu lan kluargamu saka siksa neraka, kang bahan bakare awujud manungso lan watu, sing dijaga para malaikat kang kasar lan kuat, kang ora bakal duraka marang printahe gusti Alloh, tumprap apa kang den printah, lan mesti ngelakoni apa kang den printahake “

Pramilo, saking tradisi ramadhan kepengker, monggo kita giataken amaliyah ngibadah kanthi jama’ah, khususipun ing masjid punika, saperlu kangge ngraketaken pasederekan lan kebersamaan, kangge anggayuh ridlane gusti Alloh.

Allohu Akbar, Allohu Akbar, Allohu Akbar walillahil hamd,
Jamaah Idul Fitri, ingkang minulya.....

4. Tansah nguri-uri tradisi remen nderes al-Qur’an
Al-qur’an mujudaken mukjizat kanjeng Nabi Muhammad SAW kangge kita sedaya, supados dados pitedah anggen kita ngelampahi pagesangan ing alam dunyo punika, malah al-Qur’an punika saget paring pitulungan dumateng kita sedaya ing dunyo, dados kanca ing alam kubur, saget paring pepadhang ing dinten kiyamat, saha dados pager saking siksane neraka.
Pramilo, kanthi kebiasan tadarus ing ramadhan, monggo kita uri-uri mahos al-QUR’AN ING SADENGAH WEKDAL, SUPADOS suasana batin lan ruhani kita tansah pikantuk siraman sahingga tansah gesang lan ngremboko.
5. sak saget-saget, anebihi maksiyat lan kemungkaran
Kados dene ingkang kita lampahi ing wanci ramadhan, kita saget anjagi lan anebihi maksiyat lan kemungkaran kalawau, pramilo sak bakdane ramadhan, monggo kita tansah saling ngemutaken ing babagan kasaenan lan ketakwaan
وَتَوَاصَوْا بِالْحَقِّ وَتَوَاصَوْا بِالصَّبْرِ
Kados ugi ingkang sampun dipun sebat dening kanjeng Nabi Muhammad SAW
الصِّيَامُ جُنَّةٌ
Poso iku dadi tameng ( HR. Bukhori saking Abu Huroiroh )
Pramila, sak bakdane ramadhan, monggo kita tansah paring pepeling supados anjagi jiwa lan raga kita saking sedaya maksiyat lan mungkar
Jamaah Idul Fitri, rahimakumulloh..
Saking mimbar ingkang minulya punika, kawula ngajak dumateng badan kawula saha jamaah sedaya, monggo kita lestantunaken anjagi jiwa lan ruhaniyah kita, tansah manembah lan ngabiantoro dumateng gusti Alloh ingkang akarya lan mbaureksa gesang kita, kanthi anglampahi sedaya piwucal ibadah lan amaliyah ing salebete wulan ramadhan kepengker, sahingga kita saget kalebetaken ing golongane tiyang ingkang wangsul suci lan fitrah kados dene bayi ingkang nembe lair, suci saking khilaf lan dosa, saha suci saking raos awon dumateng tiyang sanes kanthi nglampahi silaturrahmi lan ziyaroh utawi sejarah dumateng tanggi tepalih, sanak kadang saha dumateng masyarakat lingkungan.
Wusana, monggo kita dungo nyuwun dateng gusti Alloh, mugi amal ibadah kita ditun tampi dening gusti Alloh, lan kita dados pribadi ingkang muttaqiin, aamin yaa mujiibas saa iliin.
بَارَكَ اللهُ لِيْ وَلَكُمْ فِي القُرْآنِ العَظِيْمِ وَنَفَعَنِي وَإِيَّاكُمْ بِمَا فِيْهِ مِنَ الآيَاتِ وَالذِّكْرِ الحَكِيْمِ وَتَقَبَّلَ مِنِّي وَمِنْكُمْ تِلاوَتَهُ إِنَّهُ هُوَ السَّمِيْعُ العَلِيْمُ وَاسْتَغْفِرُ اللهَ العَظِيْمَ لِيْ وَلَكُمْ وَلِسَائِرِ الُمْسِلِمْينَ وَالمُسْلِمَاتِ وَالمُؤْمِنِيْنَ وَالمُؤْمِنَاتِ فَاسْتَغْفِرُوْهُ فَيَا فَوْزَ المُسْتَغْفِرِيْنَ, وَتَقَبَّلَ اللهُ مِنَّا وَ مِنْكُمْ, تَقَبَّلْ يَاكَرِيْمْ, وَجَعَلَنِي وَإِيَّاكُمْ مِنَ الْعَائِدِيْنَ وَ الْفَائِزِيْن
KHUTBAH 2
اللهُ اَكْبَرْ (3×) اللهُ اَكْبَرْ (4×) اللهُ اَكْبَرْ كبيرا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ وَالللهُ اَكْبَرْ اللهُ اَكْبَرْ وَللهِ اْلحَمْدُ. اْلحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ لَهُ تَعْظِيْمًا لِشَأْنِهِ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ تَسْلِيْمًا كَثيْرًا. اَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى وَزَجَرَ.وَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ, وَاجْعَلْنَا مَعَهُمْ بِرَحْمَتِكَ يَااَرْحَمَ الرَّاحِمِيْنَ
اللَّهُمَّ عَلِّمْنَا مَا يَنْفَعُنَا وَانْفَعْنَا ِبمَا عَلَّمْتَنَا وَفَقِّهْنَا فيِ دِيْنِكَ يَا ذَا اْلجَلاَلِ وَاْلإِكْرَام
اللَّهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَاحْمِ حَوْزَةَ الدِّيْنِ، وِانْصُرْ عِبَادَكَ اْلمُؤْمِنِيْنَ فيِ كُلِّ مَكَانٍ
اللَّهُمَّ اغْفِرْ لِلْمُسْلِمِيْنَ وَاْلمُسْلِمَاتِ وَاْلمُؤْمِنِيْنَ وَاْلمُؤْمِنَاتِ, اَلأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتَ
رَبَّنَا أتِنَا فِي الدُّنْيَا حَسَنَةً وَ فِي اْلآخِرَةِ حَسَنَةً وَقِنَا عَذَابَ النَّارِ, وَالْحَمْدُ لِلَّهِ رَبِّ الْعَالَمِيْن